59. பரமனையே பாடுவார்

வரலாறு:

         இவர்கள் தமிழும் வடமொழியும் கற்றவர்கள், இவர்கள் என்று சிவபெருமானையே பொருளாகக் கொண்டு இயல் இசை பாடியவர்களாதலின் பரமனையே பாடுவார் அழைக்கப்பட்டனர்.

60. சித்தத்தைச்சிவன்பாலே வைத்தார்

வரலாறு:

         இவர்கள் சிவயோக நெறியில் சித்தத்தை வைத்துப் பெருமானுடைய திருவடித் தொண்டின் வழியில் நின்று முத்தியடைத்தனர். அதனால் இவர்கள் இப்பெயர் பெற்றார்கள்.

61. திருவாரூர்ப் பிறந்தார்

வரலாறு:

         மிகுந்த சிறப்பினை உடைய திருவாரூரில் பிறந்தவர்கள் திருக்கயிலாயத்தில் உள்ள சிவகணங்களே ஆவர். இவர்கள் ஐம்பொறி அடக்கம் வாய்ந்தவர்கள்.

62. முப்போதும் திருமேணி தீண்டுவார்

வரலாறு:

         சிவாகம முறைப்படி இவர்கள் இறைவளைக் காலை, நண்பகல்,மாலை என்னும் மூன்று காலத்திலும் அர்ச்சிப்பார்கள். இவர்கள் அதிசைவர்கள் ஆவர்.

63. முழுநீறு பூசிய முனிவர்

வரலாறு:

         இவர்கள் கற்பம், அதுகற்பம், உபகற்பம் என்னும் மூவகை விபூதிகளில் ஏதேனும் ஒன்றை உடல் முழுவதும் பூசுவர். இவர்கள் சாதி ஒழுக்கத்தில் சிறந்தவர்கள் : மும்மலம் அறுத்தவர்கள் தத்துவ நெறி உணர்த்தவர்கள்.

64.அப்பாலும் அடிச்சார்ந்தார்

வரலாறு:

         சேர சோழ பாண்டிய நாடுகளுக்கு அப்பால் உள்ள நாடுகளில் அவதரித்துச் சிவபெருமான் திருவடியை அடைந்த அடியார்களும், தனியடியார்களுக்கு முன்னும் பின்னும் சிவபெருமான் திருவடியை அடைந்தவர்களும் அப்பாலும் அடிச்சார்ந்தார் ஆவர்.